FARGʻONA SHAHRI

FARGʻONA VILOYATI ONLAYN SHAXMAT JAMOASI telegram manzili:https://t.me/+1sEL7xvvrlhhMWZi

Fargʻona viloyatining maʼmuriy, iktisodiy va madaniy markazi, respublikaning yirik shaharlaridan biri. Maydoni 0,09 ming km2. Aholisi 222,4 ming kishi (2004, Fargʻona vodiysidagi shaharlar ichida aholi soni boʻyicha 3-oʻrinda). Shahar Fargʻona vodiysining jan. qismida, Olay togʻlarining etagida, 580 m balandlikda joylashgan. Iklimi kontinental. Oʻrtacha yillik temperatura 13º. Yanvarning oʻrtacha tempaturasi —2,7º, iyulniki 26,4º. Eng past temperatura 27º, eng yuqori temperatura 42º. Yiliga 192 mm yogʻin tushadi. Yogʻinning koʻp qismi qish va bahor fasllarida yogʻadi. Gʻarbdan baʼzan qattiq shamol va garmsel, Olay togʻi (Shohimardonsoy vodiysi)dan togʻvodiy shamoli esadi.